Alwena
Matapos magmartsa ng mga abay ko at makarating sa unahan ay tuluyan ko nang natanaw si Chloe sa dulo ng red aisle. Nakatitig din siya sa akin at nakita ko ngang wala siyang tigil sa pagpunas ng pisngi niya, maging ako ay naluha na rin sa walang kapantay na kasiyahang nararamdaman ko sa mga sandaling ito.
Nagsimula na akong humakbang habang akay ako ng mga magulang ko sa magkabila kong tabi. Narinig kong sumisinghot na rin sila at nakikita ko na rin ang pagpunas nila sa mga pisngi nila mula sa gilid ng aking mga mata.
Punong-puno ng mga bisita ang buong simbahan at lahat sila ay puno ng mga ngiting nakatunghay sa akin. Nagmistula akong reynang naglalakad sa kahabaan ng pulang aisle at napupuno ng mga naggagandahang dekorasyon ng mga bulaklak ang buong paligid ko.
Mas lalo akong n
