Ikalawang Bahagi: Kabanata 49
Kaharian ng Geo Ngayon ay tulala si Shakir habang nasa kaniyang palad ang anting-anting na ibinigay ng matanda sa kaniya kanina. Buntong-hininga niyang isinuot ito kasunod nang paglibot niya ng kaniyang paningin sa paligid. Wala ngayong masyadong tao ang nakasakay sa tren na sinakyan niya at halos tahimik din ang lahat habang karamihan sa kanila ay abala sa pagbabasa ng diyaryo. Napahawak ngayon si Shakir sa kaniyang suot na anting-anting kasabay ng kaniyang unti-unting pagpikit. "Iyora Kustara," sambitla ng babaylan na nang unti-unting iminulat ang kaniyang mga mata ay nasa loob ng isang pamilyar na kastilyo na siya ngayon na puti ang pader at halos lahat ng kagamitan ay kulay puti rin. "Ikaw ay magpakilala ginoo." Unti-unti itong lumingon sa kaniyang likuran kung saan ay sinalu
- Writer
