Chapter Eighteen:
Nagising ako dahil sa amoy ng nasusunog na hotdog. Nang idilat ko ang mga mata ko, hindi pa sumisikat ang araw pero unti unti ng lumiliwanag sa labas. Madaling araw pa lang siguro, pero bakit may nagluluto na at sinusunog pa ang hotdog?
Bumangon kaagad ako at napansing underwear lang ang suot ko. Pagkatapos pala ng nangyari sa amin kagabi ni Ivo, sinuotan n’ya ako ng underwear pagkatapos ay nakatulog na ako. Nakagat ko ang labi ko at naalala iyong nangyari kagabi. Ewan ko pero kay Ivo lang ako nagkaganito after s*x.
Hindi pa sana ako babangon sa kama kaya lang narinig ko ang malakas na mura ni Ivo mula sa labas kaya nagpasya na akong bumangon at magbihis.
Pagkabihis, dumiretso agad ako sa labas at naabutan doon si Ivo na natataranta habang inilalagay ang mga nasunog n
