"Gusto ko ng one-piece na chicken tapos gusto ko rin ng French fries.." Sabi ni Marco. "Burger din na may cheese at oo nga pala isa pang extra rice tapos iced tea.." Masigla at masayang sabi ni Marco sa akin. Kasalukuyan kasi kaming nasa mall para magpalamig. Kakatapos lang kasi ng klase naming dalawa.
Napagpasyahan ko rin na ilibre si Marco sa McDonalds. "Napakarami naman Marco. ₱ 300 lang ang budget ko para sa pagkain natin.." Sabi ko.
Umiling-iling naman ito at nilabas ang wallet niya at kumuha nang limang daan 'doon. "Ayokong gumastos ka.." Sabi nito.
Umiling naman ako habang inaabot niya ang pera. "Libre ko ito Marco, at hindi ba sabi mo magdi-date tayo? Eto na oh. Friendly date ko para sa'yo.." Masayang sabi ko. ngumiti naman si Marco at tumango.
"Sige, pero okay lang ba kung ako
