PAGDATING ng kaniyang abogado sa presinto ay saka lang nakalaya si Serena nang makapagpiyansa.
Nanginginig na siya sa galit at naiiyak na dahil ngayon lang nangyari ang ganito sa kaniya. Hindi niya matanggap na inaresto siya sa harap ng marami, pinusasan, at ikinulong.
Pagkauwi niya ng mansyon ay wala pa si Cyrus at Allain.
Hindi na niya napigilan ang magwala pagkauwi ng mansyon at nagsisigaw para mailabas ang nagliliyab niyang galit. Tahimik naman ang mga katulong at iba pang tauhan sa labas habang nagwawala siya sa loob ng mansyon.
Nang matapos magwala ay agad siyang nagpakuha ng alak sa isang katulong at mag-isang uminom sa malawak na living room na ngayon ay naging makalat na dahil sa mga basag na gamit at bubog na nagkalat sa sahig.
“Manang! Give me more alcohol!” sigaw niya sa k
