TILA gripo na walang tigil sa pagbuhos ang mga luha sa magkabilang pisngi ni Ciara. Sa tanang buhay niya ay noon lamang siya nakaranas nang ganoong pangyayari. Buong akala niya ay mamamatay na siya kanina.
Mula sa maid's quarter ay lumabas ang babaeng si Abeng at lumapit sa kanila ng lolo niya sa mahabang couch sa loob ng living room. Pinahid nito ang isang luha sa pisngi bago nagsalita.
"D-don Corne, Señorita Ciara, a-ayos na ho si Mando. Sa ngayon ay nagpapahinga na po siya sa kaniyang silid," naluluha pa rin nitong sambit.
Muli niyang pinahid ang mga luha sa pisngi. Sa kanilang lahat ay ang matandang si Mando ang pinakanapuruhan dahil ito ang binugbog nang lubos ng mga lalaki kagabi.
"Sige po, Aling Abeng. Magpahinga na rin po kayo."
Pinalis niya ang isang luha sa pisngi at saka tu
