Nagbuga siya ng hangin bago mariing pumikit. Sakto naman na kababalik lang ng babaeng si Luisita sa loob ng kitchen.
"Señorita Ciara, ayos lang po ba kayo?" nagtatakang tanong nito nang makalapit at makita ang hitsura niya.
Hinamig niya ang sarili bago huminga nang malalim at hinarap ang babae. Pinilit niyang ngumiti rito upang itago ang inis na nararamdaman niya.
"Yeah, I'm okay. Don't worry."
Iniwan niyang nagtataka si Luisita saka diretsong lumapit sa salaming pinto ng kusina, pero bago tuluyang makalabas ay muli niyang narinig ang boses ng babae.
"Señorita, ano po ba ni Sir Gallardo iyong si Kaname? Iyong pamangkin po ni Mang Rino at kababata n'yo?"
Nilingon niya ang babae at bahagyang kumunot ang noo. "His new hired secretary. Why?"
Umismid ang babae saka nagmamadaling lumapit
