"At sino ang pinagmamalaki niya? Ang Kaname niya?" Hindi makapaniwalang ngumiti siya. "How cheap!"
Nagmamadali siyang bumaba ng hagdan at pumasok sa sarili niyang kotse. May pagmamadali siyang nagmaneho papunta sa ospital. Dumaan pa siya sa ilang kainan para um-order ng cakes at mga pagkain para sa lolo niya at kina Abeng at Mando.
Nang marating ang harap ng ospital, isa-isa niyang binitbit sa dalawang kamay ang mga supot kung nasaan ang pinamili. Nang muling makita ang rosas sa ibabaw ng passenger's seat, umiirap siyang umibis ng sasakyan at tuluyang sinara ang pintuan.
"Ayaw pa rin po ba akong harapin ni Lolo?"
Malungkot na umiling si Abeng matapos niyang ibigay ang mga pinamili rito.
"Alam mo naman iyong lolo mo, matampuhin pero mahal na mahal ka. Hindi ka niya matitiis. Kaunting p
