Nailipat na niya sa mansiyon ng mga Lancheta ang ibang gamit niya mula sa sariling bahay. Kaya nang makapasok sila sa loob, puno ng gamit ang paligid.
May ilang bagay siyang kinuha saka ibinigay kay Kaname upang maumpisahan nito ang pagtatrabaho. Hindi naman talaga niya kailangan ng sekretarya dahil halos lahat ng trabaho niya ay si Elton ang gumagawa at taga-check at taga-approve lamang siya ng mga gagawin nito. Pero kahit wala ang lalaki, kaya niyang gawin ang lahat ng trabaho nito dahil madali lamang ang mga iyon. Pero dahil gusto niyang matulungan ang kababata, nagpanggap siya at pina-retype na lamang dito ang mga papeles na hindi na rin naman niya kailangan.
"Ah, nakapagtapos ka pala ng agricultural?" tanong niya sa dalaga habang nasa balkonahe sila. Abala ito sa pagtitipa sa laptop
