Natigilan lamang siya nang makita ang paggalaw ng ulo at mga daliri sa kamay nito. Mabilis niyang hinawakan ang kamay ng babae na puno ng pag-ingat, saka iyon dinala sa mga labi niya.
"Ciara, I'm here. Wife... my wife." Tumayo siya at buong suyong hinalikan ito sa noo.
Kumawala ang mahinang pagdaing mula sa mga labi ng babae kasabay nang paghaplos ng paghihirap sa mukha nito. Nakapikit pa rin ito at halatang iniinda lamang ang sakit. Mariin siyang lumunok nang maramdaman ang bara sa lalamunan. Pinigilan niya ang sarili na umiyak at nagpaalam sa babae.
Sandali niyang iniwan si Ciara para tumakbo palapit sa pintuan at tumawag ng doctor. Ilang sandali lang ang hinintay niya, nagmamadaling tumakbo ang doctor patungo sa silid ni Ciara kasama ang ilang nurse. Mabilis nitong tiningnan ang kala
