Dahil sa narinig na pangalang binanggit nito, mabilis niyang nilingon si Linus. At sa hindi niya malamang dahilan, nabaling din sa kaniya ang tingin ng lalaki. Matagal silang nagkatitigan at para bang bumagal ang ikot ng paligid.
Argento... Tama! Ang lalaki nga ang naaalala niya sa tuwing tititig siya kay Linus. Bakit ngayon niya lang ito napagtanto? Maging ang boses ni Linus, magkaparehong-magkapareho kay Argento.
"Nako, Mang Rene, hindi po si Argento ito. Siya si Sir Linus Gallardo, ang bagong may-ari ng Hacienda Lancheta. Iyong kinukuwento ko sa inyo," paliwanag naman ni Rino at lumingon muli sa kanila. "Pasensiya na kayo, sir, ha? Si Argento kasi iyong anak ni Angela, isa sa mga tagarito noon na malapit din sa amin."
Iniwan sila sandali ni Rino upang salubungin daw ang pamangkin ni
