Umangat ang kamay nito at maingat na hinawakan ang baba niya. "Pasa ba iyan? Saan mo ito nakuha?" Nagsalubong ang mga kilay nito. May mababakas na pag-aalala sa mukha.
Akmang hahawakan nito pati ang kabilang pisngi niya ngunit mabilis siyang umiwas. Nahihiyang napahawak siya sa kanan niyang pisngi. Buong akala niya ay maitatago ng concealer ang nakuha niyang pasa mula sa pagkakasampal sa kaniya kagabi.
Tumikhim siya at nag-angat ng noo. "Puwede na ba tayong mag-usap? Nagmamadali ako. I can't stay long."
Matagal siyang tinitigan ni Linus bago ito nagbuga ng hangin. Kapansin-pansin ang pagbabago ng reaksiyon sa mukha nito. Makaraan ng ilang sandali ay tinanguan siya nito at pinitik ang daliri saka tumango muli sa ilang katulong na nasa kanilang paligid.
Iginiya siya nito patungo sa panga
