NANGINGINIG ang mga kamay ni Linus nang kunin nito at hawakan nang mahigpit ang kamay ng matandang don. Wala itong malay at katulad kahapon, may nakakabit pa ring oxygen mask sa bandang ilong nito.
Bawat paghingang ginagawa ng matanda ay malalalim. Nagdudulot din iyon ng takot sa puso niya, dahil baka sa susunod na paghugot nito ng hininga, tuluyan silang iwan ng matanda.
"D-Don Corne... nandito ako." Pumatak ang luha mula sa isang pisngi niya habang nakatitig sa namumutla nitong mukha.
Nahihiya siya. Labis na nahihiya dahil sa nagawa niyang pagkakamali sa matandang don. Nang pumanaw ang sariling ina, nabulag siya sa galit. Nagpadala siya sa mga naririnig niya sa ibang tao. Idagdag pa ang mga panunulsol ni Mila sa kaniya. Napuno ng galit at pagkasuklam ang puso niya para sa matanda. Nga
