Ilang beses siyang napaatras matapos ng mga narinig. Mabilis namang umalalay sa kaniya si Elton. Nang dahil sa lalaki ay hindi siya tuluyang nabuwal sa maruming sahig.
"P-paano ito nangyari... may alam ka ba rito?" nagawa niyang itanong sa pabulong na paraan sa sekretarya.
Mariin na pumikit si Elton at umiling. "Naging mabuti siya sa harap namin."
"Pakitang-tao lang ang lahat ng iyon! Alam n'yo ba kung bakit mas mabuti pa ang pakikitungo niya sa mga utosan niya kaysa sa sarili niyang pamilya? Dahil natatakot siyang mamatay nang nag-iisa! Napakasama ng ugali niya kaya tumanda siyang walang kasama!"
Muli na naman itong tumawa kaya nabaling dito ang paningin nila.
"Paanong hindi siya tatandang mag-isa, ang kaisa-isang lalaking gusto niya, hindi siya magawang magustuhan! Hindi siya magaw
