Muli itong nagbuga bago lumipat ang kamay nito mula sa baso ng tubig papunta sa wine glass. Tila hindi mapakaling uminom ito ng wine. Binaling nito sa kaniya ang tingin pagkatapos ng pag-inom at matagal siyang tinitigan.
"Paano at bakit mo ako minahal? Bago lang tayo nagkakilala. Napakaimposible naman niyang sinasabi mo."
Banayad siyang ngumiti saka umayos ng upo. "It's not impossible to love you, Ciara. What's harder is not loving you."
Nakagat ng babae ang ibabang labi habang nakatitig sa mga mata niya. Ilang minuto ring nagtagpo ang mga mata nila na tila ba nag-uusap sa paraang iyon. Alanganin itong umirap matapos sumimsim ng alak.
"Clichè man pakinggan pero unang beses pa lang kitang nakita—"
Tila nang-uuyam na biglang tumawa ang babae. "Ano iyon? Love at first sight?"
Ngumiti s
