NAKANGITING nilapitan ni Linus ang asawang si Ciara at inabot dito ang isang bouquet ng mga pulang rosas. Hindi mapagsidlan ang tuwang nararamdaman niya nang makitang nakangiting tinanggap ng babae ang mga bulaklak.
"Ano na naman ito?" mahina pa nitong tanong at muling iginala ang tingin sa buong paligid. Hindi nawawala ang ngiti sa mga labi nito.
Bahagya siyang natawa bago hinayag ang kamay sa babae na agad naman nitong tinanggap. Inalalayan niya ito hanggang sa makababa sila ng hagdan. Lumapit sila sa mesang puno ng pagkain; sa ibaba ng mesa ay nagkalat ang talutot ng mga bulaklak at maging sa ibabaw nito.
Pinalilibutan ang mesa ng malalaking rosas na nakalagay sa loob ng vase. Matapos niyang ipinaghila ng upuan ang asawa ay saka niya ibinigay ang malaking teddy bear. Kulay puti iyon
