Matagal siyang natigilan sa nakuhang sagot. Pinagmasdan niya ito nang matagal. May ilang segundo pa siyang napaisip sa mga bagay tungkol sa kanilang dalawa. Ni minsan, kahit noong galit pa siya rito, hindi niya naisip na babalik sa Greece ang lalaki.
"You're going to leave me?"
Dahil sa kaniyang sinabi, umayos na rin ng pagkakaupo ang lalaki saka kinuha ang kamay niya at marahan iyong hinaplos. "That's why I'm asking you to come with me."
Ilang beses siyang napakurap-kurap bago binawi ang kamay na hawak nito at seryoso itong tinitigan. "I can't, Linus. Hindi ko maiiwan si Lolo."
Biglang natahimik si Linus. Sa ilang segundo, nabakasan niya ng lungkot ang mga mata nitong nangingislap habang nakatitig sa kaniya.
Muling ngumiti si Linus. "Hindi naman tayo magtatagal, Ciara. Sandali lang
