SUMILAY ang banayad na ngiti sa mga labi ni Linus matapos ipasok sa loob ng bulsa ang isang kapirasong papel at lapis. Muli niyang nilingon at pinagmasdan ang nahihimbing na mukha ni Ciara sa tabi niya. Nakahubad pa rin ito at tanging ang hinubad nitong dress ang pinantatakip sa walang saplot na katawan.
Ibinaba niya ang mukha at kinantilan ng halik ang noo ng asawa. Bahagya niyang niyugyog ang isang balikat nito upang magising ito. Lumalalim na ang gabi at mas lalong lumalakas ang ihip ng hangin sa paligid. Nababahala siyang magkasakit ito kapag mas nagtagal pa sila roon.
"Wife," bulong niya sa isang tainga ng babae bago ito muling hinalikan sa pisngi.
Umungol ito at bahagyang gumalaw.
"Ciara, kailangan na natin umuwi. Magkakasakit ka niyan."
Matapos may mangyari sa kanila kanina,
