Akmang tatalikuran na niya ang lalaki pero muli siyang natigilan nang marinig itong magsalita.
"Pagsisisihan mong pinakasalan mo ang matandang iyon. Darating ang oras, malalaman mo rin ang totoo."
Hindi na niya binigyan pa ng pansin ang sinabi nito at diretso nang bumalik sa mansiyon. Sa harap pa lang ng gate ay tanaw na niya si Ciara habang nakaupo sa hagdan malapit sa malaking pinto ng mansiyon.
Napangiti siya bago mabilis na tinakbo ang daan patungo sa asawa. Nang makalapit ay agad itong tumayo at nakangiting sinalubong siya.
"Bakit hindi ka pumasok? Baka sipunin ka." Pinulupot niya ang braso sa baywang nito at iginiya ito papasok.
"Gusto kitang hintayin." Dumiretso na sila sa hagdan habang nakaakbay siya rito at ito naman, nakayakap sa kaniya.
"Mukhang patay na patay ka na sa aki
