Nakasuot ito ng mamahaling suit, malinis ang gupit ng buhok, wala na rin itong balbas kaya malinis din tingnan ang mukha. Mas naging magandang lalaki pa ito sa paningin niya kaysa sa huling kita niya rito.
Bigla niyang naalala si Argento. Kung si Argento pa sana ito, baka naging madali lang para sa kaniya ang lahat. Baka nagkaroon pa siya ng lakas ng loob dahil ganoon ang presensiyang ibinibigay sa kaniya ng kaibigan—magaan lang at hindi niya kailangan mangamba. Pero hindi. Nagbago na ito. Bilang si Linus Gallardo, ni tingnan ito ay nahihirapan siyang gawin.
"Oo, kasal na ako," pagsisinungaling niya.
Nakita niya ang paglaho ng ningning sa mga mata nito. Ilang ulit gumalaw ang adam's apple nito tanda ng paglunok.
"I have to go. My husband is waiting for me." Matamis siyang ngumiti sa
