ISANG malalim na buntong-hininga ang pinakawalan ni Ciara habang nakaharap sa lalaking mayroong malumanay na ngiti sa mga labi. Maagap itong nakahawak sa mga kamay niya. Kasalukuyan silang nasa loob ng opisina ng mayor ng Maynila habang ikinakasal sila nito.
Nakasuot siya ng simple ngunit eleganteng kulay puting blouson dress. Habang si Linus naman ay nakasuot ng itim na suit and tie.
"Linus, tinatanggap mo ba si Ciara na maging kabiyak ng iyong puso sa habang-buhay, sa hirap at ginhawa, sa sakit man o kalusugan, at pakamamahalin mo sa habang-buhay?"
Ngumiti ang lalaki nang hindi inaalis ang tingin sa kaniya. "Opo."
Napalunok siya nang tuluyang marinig ang tugon nito. Ibig niyang pumikit nang mariin at hilingin na sana, wala na lang siya roon. Hindi siya makapaniwala na ikinakasal na
