TILA nakakita ng multo si Dylan nang humarap ang tinutukoy ni Viel na asawa nito. Bigla siyang namutla bagay na ipinagtaka naman ni Michelle, lalo na nang marinig ang sinabi ng kapatid.
Daphne? mahina at hindi makapaniwalang sambit ni Dylan habang papalapit ang babae sa kanila.
Si Viel ay nataranta nang marinig ang pagtawag ni Dylan sa pangalan ni Daphne. Bigla siyang kinabahan at sobrang nabahala dahil sa kaalamang magkakilala ang mga ito dati.
Hindi pa man nakalalapit nang husto si Daphne ay agad nang sinalubong ito ni Viel at iginiya palayo kina Dylan at Michelle. Nagtataka at naguguluhan man sa ginawa ni Viel ay sumunod naman dito si Daphne.
Balak sanang sundan ni Dylan ang mga ito nang mabilis siyang pigilan sa braso ng kapatid.
You dont have to follow them, mariing ani
