HINDI pinayagan si Ira noong subukan niyang magpaalam sa kaniyang director. Kaya sinabi nito sa kaniyang sarili na magdo-doble sikap siya para matugunan ang pangangailangan ng pamilya niya at para makapagpadala ng pangpagamot sa ate niya. Iniisip niya na baka maabutan niya pa ito kapag natapos na ang kanilang sino-shoot.
"Ira, you are spacing out again!" sigaw ni Jhoyce at pumitik ng daliri sa harap ng mukha ni Ira. Napabalik naman ang diwa ng dalaga at tinignan si Jhoyce na umiinom ng okinawa milktea. "Ano bang nangyari sa iyo? May problema na naman ba?"
"Wala," napapailing na sagot nito. Kinuha niya ang kaniyang in-order na wintermelon milktea at uminom. Nasa isang milktea shop sila ngayon na tinayo ng isang ka-team ni Jhoyce. Kinuwento niya kasi ang nangyari sa kaibigan noong araw na
