HINDI maalis ni Ira ang tingin kay Allen habang inaayos nito ang kaniyang buhok sa harap ng salamin. Nang magkatinginan silang dalawa sa reflection ng salamin ay napatigil si Allen sa pag-aayos at nilingon ang dalaga.
"Why?" seryosong tanong ni Allen sa kaniya. Napapailing naman si Ira at hindi pa rin siya payag na sasama si Allen sa kanila.
"Sure ka ba na sasama ka, Allen? Hindi ka pa magaling, ah."
Ipinagpatuloy ni Allen ang pag-aayos ng kaniyang buhok kahit na nakaharap kay Ira. Nang matapos ito ay tumayo siya at kinuha ang susi ng kaniyang kotse sa ibabaw ng lamesa. Hindi naman mapakali si Ira na nakatingin dito na para bang desidido na si Allen sa kaniyang desisyon na sumama.
"Allen, hindi ka talaga nakikinig sa akin!" reklamo ni Ira sa kaniya. Napatigil naman si Allen at tumingi
