NAGISING si Allen nang maramdaman ang pangangalay nito sa kaniyang braso. Unti-unti niyang idinilat ang kaniyang mga mata at liwanag kaagad na nanggagaling sa labas ang tumatama sa kaniyang mukha. May maliit na uwang kasi sa bintana kaya nakakapasok ang liwanag sa loob ng kuwarto.
Hindi niya maigalaw ang kaniyang kanang braso na para bang may pumipigil dito. Nang mapatingin siya roon ay nakita niya ang tulog na tulog na si Ira. Nakaupo lang siya sa sahig at nakapatong ang kaniyang sa kama habang hawak ang kanang braso ni Allen ng mahigpit.
Naalala ni Allen 'yong gabing sinabi niya na huwag siyang iwan ni Ira. Kung ginawa man 'yon ng dalaga sa kaniya ay laking pasasalamat niya na. Ira was a good friend to him Bukod pa roon ay si Ira na rin ang madalas na kasama niya noong pumunta siya ri
