PAGKATAPOS mamaalam ay sinabihan niya na rin ang dalawang katulong na ligpitin ang gamit nila dahil aalis na sila bukas ng umaga at para hindi na rin magka-undagaga sa pagliligpit. Naghanap na rin si Ira ng katulong na mag-aalaga sa mga magulang niya. Mabuti na lang at may kakilala ang kaniyang ama na naghahanap ng mapapasukan kaya iyon na lamang ang kinuha nila.
Sa pagsapit ng gabi ay tumulong ang dalaga sa paghahanda ng kanilang makakakain. Simula noong nag-usap sina Ira at Allen sa taas ay hindi pa nagpapansinan ang dalawa. Hindi alam ni Ira ay napapansin 'yon ng kaniyang ama dahil madalas niyang marinig ang dalawa na nagbibiruan kaya naman naninibago ito ngayon.
Nanatiling tahimik sina Ira at Allen at tanging iba lamang ang nag-uusap. Hindi rin naman kasi alam ng dalaga kung anong s
