NANG makabalik si Allen ay buhat-buhat na nito ang kaniyang anak na natutulog sa bisig nito. Noong makita ni Ira na pumasok ang dalawa ay mabilis niyang inayos ang higaan na tutulugan nila para maihiga na ang natutulog na si Riley.
"Nandoon pa rin sina Mama sa baba?" bungad na tanong ng dalaga at umiling naman si Allen.
"Si Nanay Norma lang ang naabutan ko roon na pinapatulog si Riley. Mukhang nasa kuwarto na yata ang mga magulang mo." Napatango na lamang ang dalaga at hindi na nagtanong pa. Pinagpatuloy niya ang pagliligpit ng kanilang gamit kaya naman si Allen ay humiga na rin at tumabi sa kaniyang anak.
Binuksan lamang ni Ira ang ilaw banda sa may pintuan para makatulog na nang mahimbing si Riley. Mula naman sa liwanag na 'yon ay nakikita niya lang din ang paligid niya kahit medyo ma
