SA pagsapit ng araw kinabukasan ay masaya silang nagsalo-salo ng almusal. May mga ngiti na rin sa labi ng bawat isa at hindi katulad kahapon na tahimik lang sila kumakain. Matapos nilang kumain ay nag-volunteer na si Isabela na maghuhugas ng plato para makapagpahinga ang mag-asawa.
Sa halip na magpahinga ay nagtipon-tipon sila sa sala habang nakikipagkulitan kay Riley. Natututo na rin kasi itong tumayo ng mag-isa kaya naman natutuwa ang lahat. Sa kalagitnaan ng kasiyahan ay siya namang paglapit ni Allen kay Ira at bumulong.
"I have something to tell you. Let's go upstairs," he whispered. Napatingin naman ang dalaga sa kaniya at naguguluhan kung sasama ba o hindi. Ngayon pa lang kasi ang unang araw na naka-bonding niya ng maayos ang kaniyang mga magulang dahil magkaayos na ang mga ito. Ay
