NAGISING si Ira na para bang mabigat ang kaniyang katawan. Gustuhin niya mang tumayo, pero hinahatak siya muli ng kama para matulog. Sa tuwing naman pipikit siya ay agad din siyang napapadilat. Hindi niya mapaliwanag kung ano ba 'yong pakiramdam na 'yon.
Napatingin naman siya sa kaniyang cellphone nang bigla itong mag-ring at dahil nasa ibabaw lamang ito ng side table ay inabot niya na lang bago ito sinagot. Hindi niya na nakita pa kung sino ang caller dahil nakapikit si Ira nang makuha ang cellphone.
"Ira, I'm on my way," bungad kaagad ng boses babae sa kabilang linya. Alam niya na kaagad kung kaninong boses 'yon kaya naman pinagpatuloy ang pakikinig sa tawag. "Samahan mo ako kasi magsusukat ako ng mga gowns para sa kasal namin ni Franco."
"Do you still need me? Kaya mo naman na 'yan,"
