NANG mailagay ni Ira ang huling plato na kaniyang hinugasan sa lagayan ay napatalon ito sa nang biglang sumulpot sa harapan niya si Allen habang hawak-hawak si Riley.
"Kumusta naman ang lakad mo kagabi ng pinsan mo?" bungad nitong tanong.
Mabilis naman napaayos si Ira at pinunasan ang basa niyang kamay. Kinuha niya si Riley mula kay Allen at siya na mismo ang nagbuhat. Sinalubong niya naman ng mga halik sa pisngi ang bata at nakipagkulitan bago sinagot ang tanong ng binata.
"Okay naman. Medyo pagod lang dahil kauuwi lang din natin galing Floresidad." Naglakad naman palabas ng bahay si Ira papunta sa may bakuran habang nakasunod naman sa kaniya si Allen. Hapon na kaya hindi na masyadong masakit sa balat ang init galing sa araw.
"Bakit kasi binigla niyo kaagad ang pag-alis? Puwede nam
