ANIKA
Araw ngayon ng kasal namin ni Leo, pero habang papunta kami sa simbahan sakay ng magarang sasakyan na sinasakyan ko, maraming bagay ang gumugulo sa aking isipan.
Ang sabi ni Leo ay mahal niya ako at hindi na ito basta kasunduan lamang dahil matagal na niya akong mahal, pero hindi namin napag-usapan ang tungkol sa kasunduan namin, kaya hindi ko alam kung may direksyon ba ang kasal na magaganap mamaya.
Para bang dito nakasalalay ang lahat dahil puwedeng maging totoo ang pagsasama namin bilang mag-asawa, at posible rin na may hangganan ang aming kasal kapag ginusto ni Leo na piliin ang kasunduan namin.
“Anak, ayos ka lang ba?” narinig kong tanong ni Mommy sa akin.
“Opo, Mommy,” mahina kong sagot.
“Kinakabahan ka ba, Anak?” muling tanong ng aking ina.
Nagmulat ako ng aking mga mat
