ANIKA
Nakita ko kung paano kinaladkad ng mga tauhan ni Daddy si Harold palayo sa akin at paalis dito sa simbahan habang sumisigaw siya at nagmamakaawa sa akin na patawarin ko siya at huwag kong ituloy ang kasal namin ni Leo dahil mahal na mahal niya ako. Pero hindi ako sumagot at hindi rin ako gumalaw sa kinatatayuan ko.
Nagkalat ngayon ang mga armadong tauhan ng aking ama sa paligid. Galit na galit si Daddy dahil nakalapit si Harold sa akin at pinagsabihan ang kaniyang mga tauhan na mananagot sa kaniya mamaya kapag natapos na ang kasal.
Matigas ang ekspresyon ng aking ama habang kuyom ang kamao at hindi maitatago ang galit na kaniyang nararamdaman. Maging si Mommy ay bakas ang galit sa kaniyang ekspresyon habang nakatingin sa direksyon kung saan dumaan ang aming mga tauhan, hatak si H
