ANIKA
Parang sasabog ang aking dibdib habang isinusuot ni Leo ang singsing sa aking daliri. Ramdam ko ang panginginig at panlalamig ng aking kamay habang hawak niya ito, at alam kong aware siya dito, pero ngumiti lang siya sa akin.
Kinakabahan ako at muntik pang malaglag ang singsing na hawak ko kanina nang isuot ko ito sa daliri ni Leo. Mabuti na lamang at nagawa ko itong tapusin kanina dahil nakahihiya sa mga bisita namin kapag nakita nilang nalaglag at nabitawan ko ang hawak kong singsing.
“You may now kiss the bride, Mr. Mondego,” nakangiting sabi ng pari kay Leo.
Napalunok ako nang hawakan niya ang belo na nakatakip sa aking mukha at hinawi niya ito papunta sa likuran ng aking ulo.
Nagtama ang aming mga mata. Sandali kaming nakatitigan ni Leo, hanggang sa dahan-dahan niyang tina
