ANIKA
Natulog kaming magkatabi ni Leo sa kama. Walang away at walang pagtatalo. Tahimik lang kaming dalawa matapos naming mag-usap at pag-usapan ang tungkol sa mga posibleng plano pa ng kaniyang Lolo Sabby.
Sinabi ko sa kaniya na gusto ko ng ebidensya. Handa raw magpa-DNA test si Leo para makasiguro na hindi nga niya anak ang bata. He assured me na isa lamang ito sa mga paraan ng kaniyang Lolo Sabby para makasiguro siya na tunay ang relasyon naming dalawa at hindi isang palabas lamang ang aming pagpapakasal.
Iginagala ko ang aking paningin sa kabuuan ng silid. Minimal lang ang gamit dito, pero cozy ang dating. Maganda rin ang interior at maaliwalas tingnan kahit tanging lampshade lamang ang tanglaw na liwanag sa paligid ko.
Malalim na ang gabi, pero hindi na ako dinadalaw ng antok. Hi
