ANIKA
Dahil gusto ng aking mga magulang na magkaroon kami ni Leo ng maayos na kasal, mukhang matatagalan rin ang proseso dahil sa tingin ko magiging en grande ang aming nalalapit na kasal.
Dito muna ako namalagi sa bahay ng aking mga magulang habang naghahanda kami para sa kasal namin ni Leo. Tuloy-tuloy rin ang gamutan at therapy ko araw-araw. Sinasamahan ako ni Mommy, at kung minsan, kasama rin namin si Ate Adirah sa pagpunta ko sa ospital.
Bumuti na ang aking pakiramdam. Epektibo rin ang gamutan at therapy ng aking mga binti, kaya nakakatayo na ako at nakakapaglakad ng mas matagal.
“Anak, may gusto ka pa bang puntahan?” tanong sa akin ni Mommy habang palabas kami sa ospital. “Punta kaya tayo sa mall o kaya naman, kumain tayo sa restaurant?”
“Sige po, Mommy,” nakangiting sagot ko.
