ANIKA
“Wala ka bang ibang sasabihin, Anika?” tanong ni Mr. Mondego nang bumaling siya sa akin.
Gumalaw ang kilay ko, pero hindi nagbago ang aking ekspresyon. Sandali kong tiningnan ng masama ang babaeng nabuntis daw ni Leo bago sinagot ang tanong sa akin ng kaniyang Lolo Sabby.
“What do you want me to say, Mr. Mondego?” salubong ang kilay na tanong ko sa kaniya.
"Gusto mo bang bukas-palad kong tanggapin ang babaeng iyan dito sa bahay namin kahit alam mong kasal na kami ni Leo?"
Tumaas ang kilay ni Mr. Mondego at pagkatapos, sinabihan niyang umalis na ang babae at siya na raw ang bahalang kumausap sa kaniyang apo.
“Sige na, umuwi ka na, Monica,” taboy ni Mr. Mondego sa babae.
“Lolo, ayaw ko,” mabilis nitong sagot.
Pumadyak pa ito ng paa at parang batang nagmamaktol habang sabog ang
