“HUWAG mo akong hahawakan, nandidiri ako sa’yo,” aniyang hinila ang braso niya mula kay Jake nang nasa ikalawang palapag na sila ng bahay.
“Mag-usap tayo, please,” ang nagsusumamo nitong sabi sa kanya.
Pero hindi pa rin ito pinansin ni Monica. Hindi niya kinausap si Jake at nagpatuloy sa pagkuha ng damit ni Althea sa cabinet ng kaniyang anak. Although alam niya sa sarili niyang hindi lang iyon ang totoong pakay niya ay minabuti niyang balikan na lamang kinabukasan ang iba pa. Ang tinutukoy niya ay ang sarili niyang mga gamit.
Nanatiling nakasunod pa rin sa kaniya siya Jake nang mga sandaling iyon. Ngayon ay may suot na itong boxers na alam niyang kinuha nito sa loob ng kanilang kwarto.
Nang bumaba siya ay nabungaran niya si Karen na bihis na rin. Nang-uuyam ang ngiting ipinukol nito sa
