“ANONG sinabi mo? Nahuli mo? As in nakita ng dalawang mata mo?!” tanong ni Myla sa kanya na gulat na gulat.
“Shhh! Baka marinig ka ni nanay!” saway niya kay Myla saka nagpahid ng mga luha.
“Walang hiyang mga iyon! At anong nakain ni Jake? Bakit siya gumawa ng ganoon? Hindi na ba siya nag-isip man lang?” ang magkakasunod muling tanong ni Myla sa tono na alam niyang galit na galit.
Muling napaluha si Monica sa tanong na iyon dahil naalala niya ang ikinatwiran ni Jake sa kanya nang makaalis na si Karen.
“L-Lasing daw siya. Hindi raw niya alam ang nangyayari. Ang sabi niya sa akin akala niya ako daw si Karen,” aniyang muling impit na napaiyak.
Isang nakakalokong tawa na halatang hindi kumbinsido ang pinakawalan ni Myla. “Matalinong tao si Jake, hindi ba? Doktor nga siya eh. Pero paano niy
