KINABUKASAN maagang umalis si Monica para kunin ang iba pa niyang naiwang gamit sa bahay nila. Isinama niya si Anna para magkaroon siya ng makakasama at para mapabilis na rin ang Gawain. Inasahan na niyang aabutan niya doon si Jake, at hindi nga siya nagkamali.
“Anna, ilagay mo sa maleta ang lahat ng damit ni Althea. Para mabilis tayo,” aniya.
Hindi lang iyon ang dahilan kung bakit niya minabuting gawin iyon. Alam din naman kasi niyang kakausapin siya ni Jake at kahit papaano ay hindi pa rin niya gustong marinig iyon ni Anna. Mahal niya si Jake sa kabila ng lahat ng sakit at paghihirap na idinulot nito sa puso niya.
“Monica! Saan ka pupunta? Bakit may dala kang maleta?”
Tanong ni Jake na agad na tumayo mula sa pagkakaupo nito sa gilid ng kama nang pumasok siya sa loob ng silid.
Hindi
