Nagising ako sa isang maliwanag na silid na para ding hawla dahil sa mga rehas na nakapalibot sa akin.
Kitang-kita ng dalawa kong mga mata kung nasaan ako dahil sa apoy na nakapalibot buong lugar.
Mayroong kama na bato na ngayon ay kasalukuyan kong hinihigaan at ang rehas na nakapalibot sa aking kinaroroonan ay masasabi kong napakadelikado dahil sa tingin ko, buhay ko ang magiging kapalit kapag pipilitin ko ang sarili kong makatakas dito.
"Nasaan ako?" tanong ko sa aking sarili kahit na alam ko naman na hindi ko masasagot ang aking mga katanungan.
Medyo hindi pa gumagana ng tama ang utak ko pero ilang saglit lang ay natatandaan ko na ang lahat.
Nagmukha na akong baliw at hindi ko rin naman masisisi ang sarili ko kung bakit ako nagkakaganito.
Sa dami ng mga napagdaanan kong naka
