"Magiging ligtas ako, Elyse... pangako," huling turan ko bago ako umalis at iwan siya sa kweba na nasa ilalim lang ng talon. I was emphasizing every word I said.
Nang akma na sana akong tatayo ay bigla niyang hinawakan ang aking kamay.
Parang gusto niya akong pigilan ngunit hindi niya lang masabi sa akin..
Nakikita ko sa emosyon ng kaniyang mukha na parang ayaw niya akong umalis sa tabi niya.
Ngunit sa pagkakataong ito ay hindi ko na siya mapagbibigyan.
Mahirap man magpasya pero kailangan ko pa rin.
Kailangan magkalaman ang tiyan niya dahil kahit hindi siya nagrereklamo alam ko na nagugutom na siya.
Kung ako lang ay kaya kong tiisin ang gutom. Pero pagdating sa kaniya ay hindi ko mababalewala kahit pa magsinungaling siya sa akin.
Nangako akong babalik din ako kaagad at wala
