"Elyse, ano'ng sinabi sa 'yo ni Sir Jude kanina sa coffee shop? Bakit parang galit si Kiran kay Sir Jude?" Kaagad na tanong sa akin ni Hydee nang makababa na kami sa kotse ni Kiran.
Nagtatampo ako sa inasta ni Kiran kanina at ayaw ko sanang magpahatid sa kaniya pauwi pero mapilit siya sa akin.
Naiinis lang ako dahil kung makapagsalita siya ay parang may nagawa akong kasalanan.
Pakiramdam niya ay ipinagtatanggol ko ang kapatid niya kaysa sa kaniya.
Bakit ko naman gagawin iyon? Ang gusto ko lang naman ay maging tahimik ang buhay namin.
Ayaw ko siyang may kaaway lalo pa at magkapatid lang naman silang dalawa.
Pero paulit-ulit niyang sinasabi sa akin na kahit kailan ay hindi sila magkakasundo.
Hindi ko na siya inaya pang pumasok sa loob dahil naiilang pa akong iharap siya kay nan
