Napaarawan ko na ang kambal. Mahimbing na din ulit ang tulog nila. Naghilamos lang ako at naghugas ng aking perlas, bago ako nagpalit ng damit. Bawal pa daw akong maligo, sabi ni Ine, pero hindi niya alam na pinaliguan ako noon sa ospital.
Nagsuot ako ng terno na pajama. Isa sa mga binili noon ni Ardent para sa akin.
Naglagay na din ako ng cream sa mukha at katawan para hydrated ang aking balat.
Lumabas na muna ako ng kuwarto upang tingnan ang ginagawa nina Ine at Precia. Nanonood ang mga ito habang ang mga laruan ay nagkalat sa sahig.
Mamayang hapon na lang daw sila bababa sa playground. Wala yata sa mood ngayon ang aking anak.
Tinabihan ko si Ine. Sinandal ko ang aking ulo sa kaniyang balikat. Ang bigat ng pakiramdam ko, hindi dahil bagong panganak lang ako. Mabigat dahil sa si
