BERYL
Para akong masisiraan ng bait. Ayaw kong ipikit ang aking mga mata kahit na namimigat na ang aking mga talukap. Ayaw kong matulog dahil baka paggising ko wala na ang kambal. Paano kung plano niyang kunin ang mga ito?
Wala siyang karapatan sa mga anak ko!
"Beryl, nandito kami ni Arjon. Hindi namin hahayaan na makapasok si Ally. Hindi siya makakalapit sa inyo." Pinapanatag ni Miss Yunnie ang aking loob pero hindi ko kayang pagkatiwalaan ang kaniyang mga salita.
Tahimik akong umiiyak habang hindi ko inaalis ang aking mga mata ang dalawa kong anak.
Hindi papayag si Mommy na may mangyaring masama sa inyo. Itataya ko ang buhay ko para sa inyong dalawa.
"Sir Arjon, I don't want to accept any visitors."
Umawang ang labi ng lalake. Mukhang nakuha naman niya ang ibig kong sabihin.
