Sa wakas, guwapo na din ako sa mata ng aking anak. Sana ganoon din ang tingin sa akin ni Beryl, pero mukhang malabo dahil bihira man lang niya akong silipin. Para ba'ng wala na talaga siyang pakialam sa akin. Sa ilang buwan na lumipas binaon na niya agad ang pag-ibig niya?
Hindi ko na muna dapat siguro iniisip ang tungkol sa bagay na ito. Hindi ko din naman siya makausap ng masinsinan dahil baka sumama lang lalo ang kaniyang loob. Ayaw kong magalit siya lalo sa akin at ayaw ko ding ma-stress siya lalo dahil buntis siya.
Laking pasalamat ko na lang at hindi niya pinagkakait sa akin na makausap ko ang aking anak. Hindi niya ito pinapalayo sa akin. Hindi binabawalan na lapitan at kausapin ako.
Ang buti-buti niya talaga. Napakabuti niyang tao pero sinaktan ko siya. Hindi ko naman intensyo
