"Totoo po bang kapatid niyo si Gilda?" tanong ko kay Mama matapos ko siyang painumin ng mga gamot niya.
"Ang ama niya, si Theodore at ang Lolo mo ay matalik na magkakaibigan noon."
Napahinto naman ako sa sinabi niya. "Huh?"
"Namatay ang ina ni Gilda matapos siya nitong ipanganak noon. Grade 6 naman si Gilda noong mamatay ang ama niya sa sakit na cancer sa atay. Kinuha siya nila Papa at Mama at inalagaan. Itinuring siyang parang tunay na anak, at kapatid naman sa akin. Pero naging pasaway siya at sakit sa ulo ng mga Lolo at Lola mo. Napabarkada siya at nalulong sa alak at sigarilyo. Palagi niyang sinusuway ang mga magulang namin. Hindi siya nakikinig sa mga payo... Hanggang sa sumama siya kay Theodore Calvo, na parang anak na rin ang turing sa kanya noon. Hinayaan na lang siya ng mga Lo
