Hindi ko alam kung paano ako makakabawi sa pangyayari na iyon at ngayon lang ako tinablan ng kahihiyan kaya halos mag-init na lang ang pisngi ko habang inaalala iyon. Itinapis ko ulit ang bathrobe na suot ko kanina at sumunod kay Tristan na sinasalubong na ngayon ang kabababang chopper plane. Isinuot ko rin ang shades ko dahil masyado akong nasisilaw sa taas ng araw.
Tatlong lalaki ang bumaba roon at nakita ko kaagad si Atty. Mendez dahil siya lang ang matandang nakita ko. Nakita ko naman kung sino ang piloto nila roon dahil naka uniform pa ito at ang isa namang lalaki ay nakasuot ng itim na long sleeves polo at puting pants habang nakasuot ng shades.
Nakita ko ang pagkaway ni Atty. Mendez kaya natawa ako at kumaway rin sa kaniya. Sinalubong na namin sila ng tuluyan ni Tristan hanggang s
