"Kelly!" tawag ni Jada.
Habang nasa supermarket siya ng isang mall at namimili ay nakita niya si Kelly na kagaya niya ay namimili rin, may tulak-tulak itong pushcart.
Lumingon si Kelly. Tumaas ang kilay nito ng makita siya sabay ngisi na para bang nakakaloko.
Hinatak niya ang dalang pushcart at lumapit ng husto kay Kelly. Inayos niya ang pagkakaparada niyon dahil sakay nito ang kaniyang anak na si Justin sa loob.Tinapunan siya nito ng mapanuring tingin mula ulo hanggang paa.
"So, isang dakilang housewife ka na lang pala ngayon. Nasaan na ang ipinagmamalaki mong career?" mapang-insultong tanong nito.
"Ngayong wala na ako sa ATS siguro naman ay masaya ka na, Kelly," sabi niya rito.
"Of course, masaya ako! Hindi lang masaya kung hindi masayang-masaya. Na-e-enjoy ko na ng sobra ngayon
