Pabalik-balik si Daniel nang lakad sa loob ng kaniyang kuwarto. Malapit nang magdilim, ang totoo ay alas sais y medya na ngunit medyo maliwanag pa sa labas. Lumalakad ang oras, hindi siya sigurado kung si Jada talaga ang pakay nila Hector, ngunit kung bakit ang lakas nang kutob niya na si Jada nga iyon. Nagdadalawang isip siya kung pupuntahan ba niya si Jada, para ipaalam dito ang masamang balak ng kaniyang mga kababata o hindi?
Pumikit siya at huminga nang malalim. Nakapagdesisyon na siya, wala namang mawawala kung pupuntahan niya si Jada. Kung nagkamali man siya ng hinala at hindi ito ang target nila Hector ay ayos lang kahit pumunta siya, ang masama ay kung hindi siya pumunta at hindi niya ito binalaan tapos si Jada naman pala talaga ang pakay ng mga tambay dito sa kanilang lugar.
Lum
