Pinuntahan ni Jada ang address ng condominium tower na tinitirahan ni Sabina.
Simula ng malaman niya na ito ang may kagagawan sa pagkawala ng kaniyang anak ay hindi na napawi ang galit sa dibdib niya. Hindi puwedeng basta na lamang niyang palampasin ang nangyari. Nasa harapan na siya ng pinto. Sunod-sunod ang pagpindot niya ng doorbell. Halos masira na iyon dahil sa pagkakadiin niya. Hindi niya tinigilan hangga't hindi siya pinagbubuksan ni Sabina.
Samantalang, nagising naman agad ang dalaga dahil sa ingay ng doorbell. Napabalikwas ito ng bangon ngunit muli ulit bumalik sa pagkakahiga ng makaramdam nang matinding pananakit ng ulo. Hindi niya alam kung gaano karami ang nainom niyang alak kagabi?May hang-over pa siya at mapait ang kaniyang panlasa. Pinilit pa rin niyang bumangon dahil sa t
